Anëtari i LDK’së Bardhyl Meta thotë se me mocionin e mosbesimit LDK bëri që Kosova të mos paguante faturat e hamendësimeve të kryeministrit Albin Kurti.
Në emisionin Pressing në T7, Meta tha se Vetëvendosje nuk arriti të bindej pavarësisht se LDK i tha vazhdimisht që të ndërronte qëndrimin ndaj SHBA’së.
Po të mos vepronte LDK’ja Kosova do të paguante faturën e hamendësimeve të Kurtit. VV nuk bindej kur LDK fliste për SHBA’të”, tha Meta.
Ndërkohë ai ka folur edhe rreth qëndrimit të ish-kandidates së LDK’së për kryeministre të vendit Vjosa Osmanit. Osmani votoi kundër mocionit për shkarkimin e qeverisë Kurti.
“Vjosa i ka kërkuar votot me u bo kryeministre, me u bo qeveria e LDK’së”, tha Meta.
“LDK nuk u formu me votat e Vjosës”, shtoi ai.
Ndërkohë Meta mendon se ish-zëvendëskryeministri Avdullah Hoti do të duhej të ishte kandidat i LDK’së për kryeministër.
