19.6 C
New York
June 7, 2023
DardaniaNews
FeaturedLajme

Vitia takon Osmanin dhe Nagavcin, flasin për koordinim në menaxhimin e situatës me COVID-19

Ministri i Shëndetësisë i Republikës së Kosovës, Arben Vitia ka pritën në takim kryetaren e Kuvendit të Republikës së Kosovës, Vjosa Osmani dhe nënkryetaren, Arbërije Nagavci, ku u diskutua për rëndësinë e koordinimit ndërinstitucional për menaxhimin e situatës me COVID-19.

Vjosa Osmani në këtë takim falënderoi ministrin Vitia dhe të gjitha institucionet e përfshira në parandalimin e përhapjes së pandemisë në vendin tonë.

Sipas saj, masat e ndërmarra në kohë kanë ndikuar që sot në vend të kemi një situatë më të mirë krahasuar me shtetet e rajonit.

Osmani tha se Kuvendi i Kosovës mbetet i përkushtuar që të bashkëpunojë ngushtë përballë këtij “armiku të padukshëm”, i cili nuk njeh as ndarje politike e as etnike.

Ndërsa, ministri Vitia i falënderoi Osmani dhe Nagavci për gatishmërinë e treguar, si dhe i njoftoi për së afërmi me planin e veprimit pë rmes së cilit do të operojnë institucionet e vendit.

Në këtë takim u ripërsërit qëndrimi se respektimi i masave parandaluese nga qytetarët është jetik në parandalimin e përhapjes së pandemisë.

Ndër të tjera u disktua edhe për harmonizimin e veprimeve në raport me adresimin e çështjeve nga vendimi i Gjykatës Kushtetuese.

Related posts

Të ‘gëlltitur’ nga hipopotami, të ‘shqyer’ nga një ari polar – dhe jo vetëm kaq: Rrëfimet e njerëzve që i mbijetuan sulmeve më brutale të kafshëve në botë

dardanianews

Plus 13 raste të reja Kosovë, në ditën kur u vendos për hapje të plotë

dardanianews

Së shpejti Përputhen VIP, cilat personazhe do i bashkohen emisionit në kërkim të dashurisë

dardanianews