21.3 C
New York
June 25, 2022
DardaniaNews
Featured Lajme

Isa Mustafa për Express: I papranueshëm shkarkimi i Veliut, Kurti s’më konsultoi

Kryetari I LDK-së, Isa Mustafa, e ka cilësuar të papranueshëm vendimin e kryeministrit Albin Kurti për shkarkimin e ministrit nga radhët e LDK-së, Agim Veliu

Në një prononcim për Gazetën Express, Mustafa ka thënë se Kurti nuk është konsultuar me të për këtë vendim dhe se ky vendim është në kundërshtim me marrëveshjen e koalicionit.

“Z. Kurti nuk eshte konsultuar me mua, prandaj edhe nuk jam pajtuar për shkarkimin e ministrit Veliu. Ky është veprim i njëanshem, në kundërshtim me marrëveshjen e koalicionit, dhe i papranueshëm për LDK-në”, ka thënë Mustafa.

Kryeministri i Kosovës, Albin Kurti, e ka shkarkuar sot ministrin e Punëve të Brendshme, Agim Veliu.

Kjo, sipas Kurtit, pas deklaratave që ministri Veliu i kishte bërë mbrëmë, për të cilat nga Qeveria thonë se përhapin panik te qytetarët, përcjell Gazeta Express.

“Në këto momente, kur e gjithë administrata publike po bën përpjekje maksimale për të minimizuar dëmet nga virusi korona, udhëheqësit e institucioneve qendrore, përfshirë këtu anëtarët e kabinetit qeveritar duhet të demonstrojnë maturi si në vendime, ashtu edhe deklarime.

Përmes deklaratave të tij të bëra publikisht, por jo edhe të mbështetura me qëndrime të tij në mbledhje të brendshme, ministri i Punëve të Brendshme dhe Administratës Publike, z. Veliu ka dëshmuar mungesë të theksuar lidershipi dhe ka minuar hapur punën e Qeverisë, pjesë e të cilës ai është”, shkruhet në njoftim. /GazetaExpress/

Related posts

Viktima 21-të nga koronavorusi është një 44-vjeçar nga Gjilani

dardanianews

Oferta e komandantit të Koshares, deklarohen nga Vetëvendosje, tregojnë nëse e pranojnë ofertën publike të Anton Qunit

dardanianews

Ky është “Fantazma e Kievit”/ Piloti ukrainas vdiq në betejë pasi rrëzoi 40 avionë rusë (FOTO)

dardanianews