Shoqëria civile dhe organizatat studentore kanë kërkuar nga Ministrja e Arsimit, Hykmete Bajrami që ta anulojë vendimin e saj për emërimin e 3 anëtarëve të Këshillit Drejtues të Universitetit të Prishtinës.
Pavarësisht kërkesës, ajo nuk e ka tërhequr vendimin, por është “kërcënuar” nga drejtori i ORCA, Rron Gjinovci, i cili në Facebook ka kërkuar tërheqjen ose dorëheqjen e saj.
Ministrja Bajrami të mërkurën ka shkarkuar 3 anëtarët e Këshillit, Ujkan Bajrën, Fadil Osmanin dhe Drita Shoshin, me arsyetimin se Këshilli ka dështuar t’i kryejë detyrat e tij. Në vend të tyre ka emëruar Mentor Gecin, Fisnik Reçicën e Muharrem Bajramin. Dy të parët punojnë në kolegje private.
