23.8 C
New York
June 21, 2021
DardaniaNews
Featured Lajme

Abazi: Thaçi po e përdor Mustafën për ta ndarë LDK’në

Zëvendëskryeministri në detyrë i Kosovës, Haki bazi, ka akuzuar presidentin e vendit, Hashim Thaçin, se është duke e përdorur Isa Mustafën për ta ndarë Lidhjen Demokratike të Kosovës.

Nëpërmjet një postimi në Facebook, Abazi mes tjerash shkroi se pyetjet e Thaçit për qeveri të re apo për zgjedhje nuk zëvendësojnë qëndrimin e qytetarëve të shprehur në zgjedhjet e 6 tetorit 2019.

“Para dhe gjatë luftës, Thaçi ka përdorur shokët e tij për të përçarë e luftuar LDK, ndërsa tani po e përdor Mustafën për të përçarë e luftuar kushtetutshmërinë, shtetin e Kosovës dhe ndarë LDK-në”, ka shkruar Abazi.

“Ata që janë në listën e zezë të Amerikës dhe që kanë probleme me ligjin dhe kushtetutën e Kosovës nuk përbëjnë interesin e qytetarëve, e as nuk i kontribuojnë demokracisë dhe marrëdhënieve me shtetet demokratike”, është shprehur ai.

“Pyetjet e Thaçit nuk zëvendësojnë qëndrimin e qytetarëve të shprehur në zgjedhjet e 6 Tetorit dhe gjithashtu, as nuk mbulojnë shkeljen e Kushtetutës”, ka thënë numri dy i qeverisë në detyrë.

Related posts

LAJM I MADH Për Shqiptarët: Hillary Clinton Ambasadore e OKB-së për Kosovën, Ja kush e thotë!

dardanianews

E padëgjuar më parë nga ish-komandanti i Koshares: Cekaj, Adem Jashari, Ramadani, Pajaziti e vëllezërit Haradinaj u bën një rresht për këtë projekt të Rugovës

dardanianews

Eskalon debati i Agim Veliut dhe Rexhep Selimit: Unë i mbaj mustaqet, por i pafytyrë si ti nuk jam

dardanianews